Шифокорлар Бразилия Президенти Луис Инасиу Лула да Сильвага лабиринтит, яъни қулоқ ичи яллиғланиши ташхисини қўйган.

Экспертиза мамлакатнинг 79 ёшли раҳбари бош айланишидан шикоят қилгандан кейин ўтказилди. Соғлиғи билан боғлиқ муаммога дуч келгани сабаб, етакчи барча расмий учрашувларини бекор қилган. Бу ҳақда “G1” портали хабар берди.

Бемор ҳозир Президент саройида истиқомат қиляпти. Шифокорлар унга дам олишни тавсия қилган.

2024 йил октябрда Лула да Сильва ўз қароргоҳидаги ҳаммомда йиқилиб, боши ёрилганди.

Тиббий хулосада айтилишича, бошнинг орқа томонида жароҳат бор. Текширув чоғи бироз қон кетиши, миянинг енгил чайқалиш аломати намоён бўлган.

Декабрь ойида Бразилия Президенти бош оғриғидан шикоят қилиб, касалхонага ётқизилган. Шифокорлар унда бахтсиз ҳодисадан кейинги интракраниал қон кетиши кузатилганини аниқлаган. Сўнгра "гематомани дренажлаш" учун краниотомия ташхиси қўйилди. Кейинроқ яна жарроҳлик амалиёти ўтказилди. Ўшанда бемор бир неча кун касалхонада даволанганди.