Бозорда нарх-наво барқарорлиги таъминланади
Андижон вилояти ҳокими Ш. Абдураҳмонов сектор раҳбарлари, тегишли масъуллар иштирокида “Андижон шаҳар марказий деҳқон бозори”да бўлиб, нарх-навони ўрганди.
Андижон вилояти ҳокими Ш. Абдураҳмонов сектор раҳбарлари, тегишли масъуллар иштирокида “Андижон шаҳар марказий деҳқон бозори”да бўлиб, нарх-навони ўрганди.
Вилоят раҳбари бозорда озиқ-овқат ҳамда қишлоқ хўжалиги маҳсулотларининг нархи ва сифатини кўздан кечирди. Аҳолини узлуксиз озиқ-овқат ҳамда асосий турдаги қишлоқ хўжалиги маҳсулотлари билан таъминлаш, нарх-навонинг асоссиз ошиб кетишининг олдини олиш, маҳсулотлар захирасини яратиш бўйича мутасаддиларга тегишли топшириқлар берди.
Шунингдек, ҳоким деҳқон бозорида “Даладан дастурхонгача” дастури доирасида ташкил этилган арзонлаштирилган ярмарка фаолияти билан яқиндан танишди. Чорвачилик, паррандачилик, балиқчилик ва бошқа йўналишдаги фермер хўжаликлари масъуллари билан суҳбатлашди.
