Сурхондарё вилояти божхона бошқармаси “Гулбаҳор” чегара божхона пости ходимлари гиёҳвандлик воситасининг мамлакатимиз ҳудудига олиб кирилишининг навбатдаги ҳаракатига чек қўйди.

Қўшни давлатдан божхона постига кириб келган хориж фуқароси А.З.нинг юклари божхона назоратидан ўтказилганда унинг қўл сумкасида 1 дона полиэтилен ўрамда ўзига хос ўткир ҳидли, қуруқ ҳолдаги гиёҳвандлик воситасига ўхшаш модда мавжудлиги аниқланди.  

Божхона ходимларида шубҳа уйғотган ушбу модда экспертизадан ўтказилганида унинг гиёҳвандлик воситалари туркумига кирувчи соф оғирлиги 64,12 грамм “кўкнор сомони” гиёҳвандлик воситаси экани маълум бўлди.  

<iframe width="1280" height="720" src="https://www.youtube.com/embed/K-an_snJ-78" title="Божхона постида гиёҳвандлик воситаси тўхтатиб қолинди" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Айни пайтда мазкур ҳолат юзасидан тегишли жиноят иши қўзғатилди.  

Холмўмин МАМАТРАЙИМОВ,  

ЎзА мухбири