Ўзбекистон Республикаси Маданият вазирлиги ҳамда “Ўзбекконцерт” давлат муассасаси томонидан Ботир Зокиров номидаги Миллий эстрада мукофоти соҳибларини аниқлаш мақсадида танлов ташкил этилмоқда.

Унда ўтган йиллар давомида Ботир Зокиров ижодига мурожаат қилиб, унинг асарларини мухлисларга ҳавола этиб келган санъаткорлар, эстрада йўналишида қўшиқлари оммалашган бастакор, композиторлар, рангтасвир санъати билан эътирофга сазовор бўлган рассомлар, буюк санъаткор ижодини кенг тарғиб қилишга ҳисса қўшган ижодкорлар, маданият ва санъат соҳасини ривожлантириш борасида муносиб ташаббус кўрсатган фаол инсонлар иштирок этишлари мумкин.    

Танлов номинациялари қуйидагича:  

1. “Энг яхши эстрада хонандаси”;    

2. “Энг яхши композитор”;    

3. “Энг яхши оранжировкачи-бастакор”;    

4. “Энг яхши тасвирий санъат устаси”;    

5.  “Энг яхши тарғиботчи-ижодкор”;  

6. “Энг яхши продюсер-ташаббускор”.  

Танловда иштирок этиш истагида бўлганлар ўз ижодий намуналари ҳамда  ижодий ва ташаббускорлик фаолияти тўғрисидаги маълумотларни ўзлари ёки вакиллари орқали 2024-йил 1-мартга қадар ушбу (milliymukofot@gmail.com) электрон почтасига юборишлари лозим бўлади.  

<iframe width="990" height="557" src="https://www.youtube.com/embed/E-qCzIye5C0" title="“Botir Zokirov nomidagi milliy estrada mukofoti” oʻz sohiblarini kutmoqda!" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Белгиланган муддатдан ўтиб тақдим этилган ҳужжатлар қабул қилинмайди!    

 М.Эшмирзаева, А.Алижонов (видео), ЎзА