Бугун, Бухоро вилоятининг 536 та умумтаълим мактабида “Сўнгги қўнғироқ” тадбирлари кўтаринки руҳда ташкиллаштирилди.

Вилоятда 24 минг 625 нафар ўқувчи мактабни битирмоқда.

Бухоро шаҳридаги 2-умумтаълим мактабида “Сўнгги қўнғироқ” тадбири ўтказилди. Унда шаҳардаги секторлар раҳбарлари ва ота-оналар қатнашди.

Тадбирда вилоят ҳокими Ботир Зарипов Президентимизнинг мамлакатимиз мактаблари битирувчиларига йўллаган байрам табригини ўқиб эшиттирди.

Бу йил ушбу масканни 185 нафар ўғил-қиз тамомлади. Битирувчиларни давлатимиз томонидан яратилаётган имкониятлардан фойдаланиб, улардан янада самарали фойдаланишга чақирди. Уларга оқ йўл тилади.

Тадбирда битирувчилар таълим-тарбия берган устозлари ишончини оқлашга ваъда берди.

Ўқувчилар томонидан ижро этилган куй-қўшиқлар йиғилганларни рақсга чорлади. Мактаб узра янграган “Сўнгги қўнғироқ” дилларга завқ улашди.

Зариф Комилов, ЎзА