КОНМЕБОЛ-дың клубтар арасындағы ең беделді турнирінің финалында екі бразилиялық команда — «Ботафого» мен «Атлетико Минейро» кездесті.

Аргентина астанасы Буэнос-Айресте өткен бұл матчта «Ботафого» кездесудің небәрі 2-минутында бір ойыншысынан айырылып, аз құрамда ойнауға мәжбүр болды. Алайда, артық құрамда ойнаған «Атлетико Минейро» қолайлы мүмкіндікті пайдалана алмай, жеңіліске ұшырады. Есеп 3:1.

Осылайша, «Ботафого» тарихта алғаш рет Либертадорес кубогының жеңімпазы атанды.