Bosh prokuratura: Andijon shahar hokimi gumonlanuvchi tariqasida protsessual tartibda ushlandi
Ijtimoiy tarmoqlarda Andijon shahar hokimi katta miqdorda byudjet mablag‘larini talon- toroj qilganlikda gumonlanib, DXX tomonidan qamoqqa olingani haqida xabarlar tarqaldi.
Ushbu holatga oydinlik kiritish maqsadida Bosh prokuratura matbuot xizmati rahbari Hayot Shamsutdinovga murojaat qildik.
Ma’lum qilishlaricha, jinoyat ishi doirasida 6 iyun kuni Andijon shahar sobiq hokimi gumonlanuvchi tariqasida protsessual tartibda ushlangan.
Ish bo‘yicha haqiqatni aniqlashga to‘sqinlik qilish holatlarining oldini olish maqsadida boshqa tafsilotlar oshkor qilinmaydi.
O‘zA