Хитой расмийлари АҚШ Конгресси Вакиллар палатаси спикери Ненси Пелосининг Тайванга ташрифи бўйича билдирган муносабат муносиб эмас, деди Европа Иттифоқи Ташқи ишлар ва хавфсизлик сиёсати бўйича олий вакили Жозеп Боррель Испаниянинг “El Pais” газетасига.

- Мен Байден маъмуриятидаги жуда юқори мартабали амалдорнинг Тайванга ташрифи шахсий ташаббус экани ҳақида айтилган гапни эшитдим, - деди у. - Хитойнинг бу жавоби номутаносиб. Дунё АҚШ ва Хитой ҳамкорлик қилишини истайди. 

Глобал муаммоларни икки буюк давлат ҳамкорлигисиз ҳал қилиб бўлмайди. Айниқса, иқлим ўзгариши каби масалани. Ҳар икки мамлакат иқтисодиётининг бир-бирига чамбарчас боғлиқлиги бири иккинчисининг мутлақ мағлубиятини хоҳламаслигини англатади.