Боливияда автобус пен жүк көлігінің бетпе-бет соқтығысуы салдарынан 14 адам қаза тапты.

Оруро көлік және жол қауіпсіздігі жөніндегі директоры Хулио Ларреаның мәлімдеуінше, оқиға Оруро мен Потоси департаменттерін байланыстыратын тас жолда болған.

Оның айтуынша, Потосиден тұз тасымалдап келе жатқан жүк көлігінің жүргізушісі шаршағандықтан ұйықтап қалған және көлікті басқара алмай қалған. Соның нәтижесінде автобуспен бетпе-бет соқтығысқан.

Шенеуніктің мәліметінше, қаза тапқандардың саны артуы мүмкін, өйткені кейбір зардап шеккендердің жағдайы ауыр.