Боливияда автобус жарликка қулаши оқибатида 20 дан ортиқ киши қурбон бўлди
Воқеа мамлакатнинг марказий ҳудудида рўй бергани айтилмоқда.
Боливия президенти Луис Арсенинг Twitterда ёзишича, Кочабамба департаментида, Морочата шаҳри яқинида рўй берган ҳалокат туфайли 21 киши ҳалок бўлган ва 12 киши жароҳат олган.
Дастлабки маълумотларга кўра, автобус Кильяколо шаҳрига қараб кетаётганда 200 метр баландликдан жарликка қулаган.
Ҳалокатга нима сабаб бўлгани номаълум, дейилмоқда хабарда.