Боливиянинг Сердас вилоятидаги Потоси шаҳрида автобус ҳалокатга учраб, 19 киши ҳалок бўлди, 9 одам жиддий жароҳатланди. Бу ҳақда “Latercera” нашри хабар берган.

Пойтахт Ла-Пасдан чиқиб, мамлакат чегараси яқинидаги Вилясон шаҳрига йўл олган машина Уюни ва Тупиза шаҳарларидан ўтувчи трассада ҳаракатланаётганда бахтсиз ҳодиса содир бўлган. Маҳаллий полиция бўлими бошлиғи Уилсон Флорес тахминига кўра, фожиани юқори тезлик ва ёш ҳайдовчининг тажрибасизлиги келтириб чиқарган. Ҳайдовчи ҳибсга олинган.