Боливия учун бу рекорд кўрсаткичдир, Нидерландияга экспорт қилиниши керак бўлган юкнинг оғирлиги 8,7 тоннани ташкил этган. Қора дори Оруро департаментида мусодара қилинди, дея маълум қилди мамлакат президенти Луис Арсе.

“Нидерландияга жўнатилиши керак бўлган 8,7 тонна кокаин юк машинасида олиб кетилаётганда ушланди”, - деб ёзди Арсе ўзининг ижтимоий тармоқдаги саҳифасида. 

Кокаин етиштириладиган плантацияларининг 90 фоиздан ортиғи “Анд наркоучбурчаги” деб ном берилган ҳудуд –Колумбия, Перу ва Боливияда жойлашган. Шунингдек, Панама, Эквадор, Венесуэланинг жануби-ғарби ҳамда Бразилиянинг шимоли-шарқида ҳам кокаин экинзорлари мавжуд. Жанубий Америкадан тўлов қобилияти юқори бўлгани учун АҚШ ва Европа мамлакатларига ҳар йили юзлаб тонна кокаин етказилади.