Болгария Республикасының Президенті Румен Радевтің елімізге жасаған ресми сапары аяқталды.

Ташкент қаласындағы халықаралық әуежайда мәртебелі мейманды Өзбекстан Республикасының Премьер-Министрі Абдулла Арипов пен өзге де ресми тұлғалар шығарып салды.

Еске сала кетейік, сапар бағдарламасына сәйкес екі ел көшбасшыларының келіссөздері, ресми және іскерлік іс-шаралар өткізілді.

Өзбекстан Республикасының Президенті Шавкат Мирзиёев пен Болгария Республикасының Президенті Румен Радев екіжақты ынтымақтастықты кеңейту туралы бірлескен декларацияға қол қойды.

Көшбасшылардың қатысуымен бірқатар екіжақты құжаттарға, атап айтқанда, Өзбекстан мен Болгария Сыртқы істер министрліктері арасында 2026–2027 жылдарға арналған ынтымақтастық бағдарламасы, сондай-ақ Ташкент пен София қалалары арасында әріптестік орнату туралы келісім алмасылды.

[gallery-23862]

Келіссөздер барысында тараптар өзара тиімді қарым-қатынасты одан әрі дамыту мәселелеріне ерекше назар аударды. Атап айтқанда, екі ел арасындағы тауар айналымын ұлғайту, агроөнеркәсіптік кешен, фармацевтика, тау-кен ісі, цифрландыру салаларында кооперация орнату, сондай-ақ туризм мен мәдени-гуманитарлық алмасуларды кеңейту бағыттары қаралды.

Бұл сапар екі ел арасындағы достық пен серіктестік қатынастарды сапалық жаңа деңгейге көтеретіні сөзсіз.

И.АВВАЛБОЕВ,

 Р.НАЗАРМАТОВ(сурет),

ӨзА