Bokuda VII xalqaro kitob ko‘rgazma-yarmarkasi o‘tkazilmoqda
Ozarbayjon poytaxti Boku shahrida VII Boku xalqaro kitob ko‘rgazma-yarmarkasi boshlandi.
Tadbir buyuk ozarbayjon shoiri va mutafakkiri Nizomiy Ganjaviy tavalludining 880 yilligiga bag‘ishlab tashkil etildi.
Xalqaro kitob ko‘rgazmasida turli mamlakatlardan 200ga yaqin nashriyot, matbaa korxonalari, kitob do‘konlari hamda madaniy markazlar ishtirok etmoqda.
6 oktyabr kuni o‘z ishini boshlagan ushbu nufuzli xalqaro tadbirda O‘zbekiston noshirlari ham qatnashmoqda.
Marhabo Madaminova, O‘zA