2021 жылы 21 мамыр мен 1 маусым аралығында Үндістанның Нью-Дели қаласында өтеді деп жоспарланған бокстан ересектер арасындағы Азия чемпионаты БАӘ-ге ауыстырылды.

Үндістанда коронавирустық инфекцияның жаңа жағдайларының тез тарауына байланысты Азия чемпионаты Дубайда өтеді, деп хабарлайды Әмірліктер үкіметінің баспасөз орталығы.

Байрақты бәсеке 2020 жылы өтуі керек еді. бірақ коронавирустық пандемияға байланысты ол 2021 жылға ауыстырылған еді. Соңғы рет бокстан Азия чемпионаты 2019 жылы Тайландта өтті.

Айта кету керек, Азия чемпионатында ерлер арасында 10 салмақ дәрежесінде және әйелдер арасында 10 салмақ дәрежесінде өтеді.