Боксчимиз собиқ жаҳон чемпиони билан баҳслашади
Бугун, 29 апрель куни Россиянинг Красногорск шаҳрида профессионал бокс кечасининг марказий жанги иккинчи ўрта вазн тоифасида собиқ WBC Silver камари соҳиби бўлган ҳамюртимиз Азизбек Абдуғофуров ва россиялик собиқ жаҳон чемпиони Фёдор Чудинов иштирокида бўлиб ўтади.
Кеча боксчилар вазн ўлчаш, кўз уриштириш ва матбуот анжуманида қатнашишди. Вазн улчашда ҳамюртимиз 76,2 кг оғирликни, рақиб 75,7 кг ванли эканлигини кўрсатди.
Эслатиб ўтамиз, профессионал боксдаги фаолияти мобайнида Азизбек Абдуғофуров 14 та жанг ўтказиб, 13 тасида ғалаба қозонган. Унинг рақиби Фёдор Чудинов ҳисобида эса 25 та ғалаба, 2 та мағлубият ва 1 та дуранг мавжуд.
Азизбек бундан бундан тўрт йил муқаддам Чудиновнинг акасини мағлубиятга учратган.
Мазкур бокс оқшомида 9 та жуфтлик баҳслари бўлиб ўтади. Ҳамюртимиз иштирокидаги жанг дастурга биноан 10 раунд давом этиши кўзда тутилган.
Т.Рўзиев, ЎзА