Бирлашган Араб Амирликларининг Дубай шаҳрида давом этаётган бокс бўйича жаҳон чемпионатида бугун, 8 декабрь куни 7 нафар чарм қўлқоп устамиз рингга кўтарилади.

Чемпионатнинг кечаги баҳсларида қайд этилган натижалар ҳақида тўхталсак. Жумладан, Хўжаназар Нортожиев (-57 кг) жаҳон чемпионатидаги илк жангида Шри-Ланка вакили Рукмал Прасанна Поди Араччигени 5:0 ҳисобида таслим этди. Афсуски, Саят Илясов (-63,5 кг) ва Шавкатжон Болтаев (-67 кг) ўз вазн тоифаларида имкониятни бой бериб қўйди.

Дунё биринчилигининг бугунги беллашувларида қуйидаги боксчиларимиз риннга кўтарилади:

-67 кг: Асадхўжа Мўйдинхўжаев - Армен Машакарян (Иба-Про) 

-80 кг: Жавоҳир Умматалиев - Омурбек Бекжигит уулу (Қирғиз Республикаси) 

-92 кг: Тўрабек Ҳабибуллаев - Калил Луан Брасил (Бразилия) 

+92 кг: Арман Маханов - Уладзислау Смиаҳликау (Беларусь) 

-48 кг: Шодиёржон Мелиқўзиев - Анваржан Ходжиев (Қирғиз Республикаси) 

-60 кг: Абдумалик Халаков - Энрике Какулов (Испания) 

-75 кг: Фазлиддин Эркинбоев - Ваҳтанг Харутюнян (Арманистон) 

Жавоҳир Тошхўжаев, ЎзА