Италияда “Париж-2024" Олимпия ўйинларининг бокс беллашувлари учун йўлланма берувчи I Жаҳон квалификацион турнирининг навбатдаги кунида 4 нафар боксчимиз рингга кўтарилади.

Жумладан, -66 кг. вазнда Навбаҳор Ҳамидова мусобақадаги илк баҳсини грециялик Параскеви Мавромматига қарши ўтказади. Сабина Бобоқулова эса биринчи жангида сингапурлик Даниша Матиалаган билан рақобатлашади. Шунингдек, вазни -80 кг. бўлган Тўрабек Ҳабибуллаев польшалик Рафал Перcзйнски билан Ситора Турдибекова -57 кг. вазнда чехиялик Люси Седлачковага қарши рингга кўтарилади.

Эслатиб ўтамиз, Ситора Турдибекова, Асадхўжа Мўйдинхўжаев, Лазизбек Муллажонов ва Руслан Абдуллаев кечаги баҳсларда ғалаба қозонган эди.

Жавоҳир Тошхўжаев, ЎзА