4-14 сентябрь кунлари Англиянинг Ливерпуль шаҳрида бокс бўйича катталар ўртасида “World Boxing” ташкилоти томонидан илк маротаба жаҳон чемпионати ўтказилади.

Ушбу дунё биринчилигида 60 давлатдан жами 500 нафардан зиёд боксчи медаллар учун рингга кўтарилади. Жангларнинг саралаш ва 1/4 финал босқичлари 4-10 сентябрь кунлари бўлиб ўтса, 12-13 сентябрь кунлари 1/2 финалда боксчилар рингга кўтарилади. Финал баҳслари 14 сентябрь куни бўлиб ўтади.

Жаҳон чемпионати фаворитларидан ҳисобланган Ўзбекистон терма жамоаси Англиянинг Шеффильд шаҳрида ўтказилган ўқув-машғулот йиғинини якунлаб, жаҳон чемпионати ўтказилувчи Ливерпуль шаҳрига етиб борди.

Қуйида жаҳон чемпионатида мамлакатимиз шарафини ҳимоя қиладиган боксчиларимиз таркиби билан танишасиз:

-50 кг: Шодиёржон Мелиқўзиев;

-55 кг: Миразизбек Мирзахалилов;  

-60 кг: Абдумалик Халоков;

-65 кг: Асадхўжа Мўйдинхўжаев;  

-70 кг: Шавкатжон Болтаев;

-75 кг: Фазлиддин Эркинбоев;

-80 кг: Жавоҳир Умматалиев;

-85 кг: Акмалжон Исроилов;

-90 кг: Тўрабек Ҳабибуллаев;  

+90 кг: Жаҳонгир Зокиров ;

Жавоҳир Тошхўжаев,

ЎзА