Bokschilarimiz o‘nta medalni qo‘lga kiritdi
Rossiyaning Sankt-Peterburg shahrida boks bo‘yicha “Gubernator kubogi” musobaqasida O‘zbekiston terma jamoasi 4 oltin, 3 tadan kumush va bronza medallarni qo‘lga kiritdi.
Rossiyaning Sankt-Peterburg shahrida boks bo‘yicha “Gubernator kubogi” musobaqasida O‘zbekiston terma jamoasi 4 oltin, 3 tadan kumush va bronza medallarni qo‘lga kiritdi.
Musobaqada Rossiya, O‘zbekiston, Belarus, Kuba, Ukraina, Bolgariya, Armaniston, Moldova, Ruminiya, Qozog‘iston va Qirg‘izistondan kelgan 200 dan ortiq charm qo‘lqop ustalari g‘oliblik uchun kuch sinashdi.
Terma jamoamiz a’zolari Isroil Madrimov, Miraziz Mirzaxalilov, Bektemir Meliqo‘ziyev, Bahodir Jalolov barcha raqiblarini mag‘lubiyatga uchratib, oltin medal sohibi bo‘ldi.
Finalga qadar barcha janglarda zafar quchgan Hasanboy Do‘smatov, Shahobiddin Zoirov, Shunqor Abdurasulov kumush, Sanjar Tursunov, Iqboljon Xoldorov va Jasurbek Latipov esa bronza medal bilan taqdirlandi.