Болгариянинг София шаҳрида давом этаётган "Странджа" турнирининг аёллар ўртасидаги финал жанглари ўз якунига етди.

Унда Ўзбекистон терма жамоасининг 6 нафар аъзоси рингга кўтарилди. 

Қувонарлиси, "Странджа" турнирининг -48 кг. вазнида Сабина Бобоқулова украиналик Анна Охотани, -57 кг. вазнда Нигина Ўктамова ирландиялик Михаела Валшни, -65 кг. вазнда Навбаҳор Ҳамидова қозоғистонлик Лаура Есенкелдини, -75 кг. вазнда Азиза Зокирова австралиялик Эмма Суени таслим этиб, чемпионга айланди. 

Шунингдек, финалга қадар ўтган барча жангларда ғалаба қозонган Феруза Казакова ҳамда Олтиной Сотимбоева кумуш медалга сазовор бўлди. 

Ўз вазн тоифасида Фарзона Фозилова, Рухшона Парпиева терма жамоамиз ҳисобига бронза медални келтирди. 

Айни дамда эркаклар ўртасида финал жанглари ўтказилмоқда. Унда қуйидаги вакилларимиз иштирок этади: 

-75 кг: Фазлиддин Эркинбоев — Рами Киван (Болгария) 

-80 кг: Жавоҳир Умматалиев — Павло Иллюша (Украина) 

-85 кг: Акмалжон Исроилов — Матвий Ражба (Украина) 

-90 кг: Тўрабек Ҳабибуллаев — Богдан Толмачов (Украина) 

+90 кг: Озодбек Алиев — Дамар Томас (Англия) 

Жавоҳир Тошхўжаев, ЎзА