Бугун 11 январь куни пойтахтимиздаги Республика олимпия ва паралимпия спорт турларига тайёрлаш марказида бокс бўйича 17 ёшгача бўлган қизлар ва ўсмир қизлар ўртасида ўтаётган Ўзбекистон чемпионатининг чорак финал жанглари бўлиб ўтади.

Чемпионатнинг 17 ёшгача бўлган қизлар мусобақасида 130 нафарга яқин иштирокчи 10 та вазнда, ўсмир боксчи қизлар мусобақасида 150 нафардан зиёд чарм қўлқоп усталари 13 та вазнда кучлиликка даъвогарлик қилмоқда.

Кеча  поёнига етган саралаш жанглари сарҳисобига кўра, чорак финалнинг барча жуфтликлари номи маълум бўлди.

Эътиборли жиҳати, чорак финалнинг бугунги жангларида Тошкент шаҳар терма жамоасининг 12 нафар аъзоси, Андижоннинг 9, Бухоро ва Қорақалпоғистон Республикасининг 7, Жиззахнинг  6, шунингдек, Тошкент, Фарғона, Наманган, Хоразм, Навоий, Сурхондарё вилоятларининг энг маҳоратлилари рингга кўтарилади.

Эслатиб ўтамиз, бугун ва эртага чорак финал, 13 декабрда ярим финал ва 14 декабрь куни финал жанглари орқали ғолиб ва совриндорлар аниқланади.

Т.Рўзиев, ЎзА