Боксчи Баҳодир Жалоловга Президент совғаси топширилди
9-21 сентябрь кунлари Россиянинг Екатеринбург шаҳрида бўлиб ўтган бокс бўйича жаҳон чемпионатининг энг яхши спортчиси деб топилган Баҳодир Жалоловни Тошкент шаҳар ҳокими Жаҳонгир Ортиқхўжаев самимий қутлади.
9-21 сентябрь кунлари Россиянинг Екатеринбург шаҳрида бўлиб ўтган бокс бўйича жаҳон чемпионатининг энг яхши спортчиси деб топилган Баҳодир Жалоловни Тошкент шаҳар ҳокими Жаҳонгир Ортиқхўжаев самимий қутлади.
Унинг чемпионатда эришган ғалабаси, спортдаги ютуқлари эътироф этилиб, Президент совғаси – Тошкент шаҳри Қори Ниёзий кўчасида жойлашган уй-жойлардан бири – тантанали равишда топширилди.
Йигирманчи марта ўтказилган бокс мусобақада дунёнинг 78 мамлакатидан 400га яқин боксчи иштирок этди. Унда Ўзбекистон терма жамоаси 3та олтин, 1та кумуш ва 1 та бронза медалларини жамғариб, умумжамоа ҳисобида биринчи ўринда якунлади.