Польша астанасы Варшава қаласында өткен World Boxing ұйымының кубогының екінші кезеңі өз мәресіне жетті. Бұл жарыста Өзбекстан құрамасы тамаша нәтиже көрсетіп, жалпы 6 алтын, 1 күміс және 2 қола медаль жеңіп алды.

-55 кг салмақ дәрежесінде өнер көрсеткен Миразизбек Мирзахалилов финалда Моңғолия өкілі Билгуунсаихан Хархуды жеңіп, алтын медаль еншіледі. Ал -65 кг салмақтағы Асадхужа Муйдинхужаев Болгария боксшысы Викторио Илиевтен басым түсіп, чемпион атанды. Сонымен қатар Жавохир Умматалиев (-80 кг), Фазлиддин Эркинбоев (-75 кг), Акмалжон Исроилов (-85 кг) және Жахонгир Закиров (+92 кг) секілді талантты былғары қолғап шеберлері құрамамыз қоржынына алтын медаль алып келді.

Финалға дейін сәтті өнер көрсеткен Хуморабону Мамажонова -57 кг салмақ дәрежесінде күміс медальмен марапатталды. Ал Самандар Олимов пен Ғафур Тохиров өз салмақтарында қола медаль иегері атанды.