Bugun, 30 yanvar kuni poytaxtimizdagi “Olimpiya shaharchasi” Yakka kurashlar majmuasida o‘smirlar o‘rtasidagi mamlakat birinchiligi bahslari boshlandi.

Qoraqalpog‘iston Respublikasi, Toshkent shahri, Respublika olimpiya va paralimpiya sport turlariga tayyorlash markazi, Bahodir Jalolov nomidagi boksga ixtisoslashtirilgan sport maktabi va yurtimizning barcha hududlaridan 16 ta jamoaning 270 nafar yosh bokschilari 13 ta vazn toifasidagi janglarda ishtirok etadi.

Chempionat nizomiga muvofiq bugundan start beriladigan saralash musobaqalari 3 fevralga qadar davom etadi.

4 fevral kuni chorak final, 5 fevralda yarim final hamda 6 fevral kuni final janglari orqali o‘smirlar o‘rtasida O‘zbekiston chempionlari aniqlanadi.

T.Ro‘ziyev, O‘zA