Англияның Ливерпуль қаласында өтіп жатқан ересектер арасындағы бокстан әлем чемпионатында Өзбекстан құрамасы сенімді қадаммен алға басуда. Команда сапындағы барлық спортшылар әзірге тек жеңіске жетіп, жанкүйерлерді қуантты.

Атап айтқанда, -80 кг салмақта Жавохир Умматалиев Оңтүстік Корея боксшысы Ким Минсеонгті 5:0 есебімен ұтып, ширек финалда қазақстандық Нұрбек Оралбаймен жекпе-жек өткізетін болды.

Ал, Асадхужа Муидинхужаев 65 кг дейінгі салмақ дәрежесінде ширек финал жолдамасы үшін өткен кездесуде финляндиялық Исмаил Умарды еш қиындықсыз жеңді. Енді ол ширек финалда қазақстандық Ертуған Зейнұлиновпен күш сынасады.

Сондай-ақ Феруза Казакова, Ситора Турдибекова, Сабина Бобоқулова, Азиза Зокирова, Миразизбек Мирзахалилов, Шодиёржон Мелиқузиев және Акмалжон Исроилов сынды боксшылар да өз салмақ дәрежелерінде жеңіске жетіп, ширек финалға жолдама алды.