"Humo Arena" sport majmuasida tashkil etilgan katta professional boks oqshomi Rio Olimpiadasi chempioni Fazliddin G‘oibnazarovning tarixiy g‘alabasi bilan yakunlandi.

Xalqaro musobaqaning birinchi qismida yangi formatdagi Markaziy Osiyo turniri, ikkinchi kismida esa jahonda taniqli bo‘lgan bokschilar o‘rtasida kurash kechdi.

Qayd etish kerak, "Lift" promouterlik kompaniyasi tomonidan uyushtirilgan tadbirda Shahobiddin Zoirov, Mirazizbek Mirzaxalilov, Lazizbek Mullojonov, Abbosxon Yo‘ldoshev va yana bir qator bokschilarimiz ringga ko‘tarildi.

Uch daqiqadan iborat bo‘lgan o‘n raundli jang Fazliddin G‘oibnazarov (O‘zbekiston) va Jaider Parra (Venesuela) ishtirokidagi so‘nggi chiqish sifatida tarixiy voqeaga aylandi.

Hamyurtimiz raqibini 18 soniyadayoq nokautga uchratib, navbatdagi ishonchli g‘alabani qo‘lga kiritdi.

Shu tariqa xalqaro turnir nihoyasiga yetdi, xorijiy davlatlardan kelgan yuzga yaqin bokschi va murabbiylar tashrifi yakunlandi.

<iframe width="640" height="420" src="https://www.youtube.com/embed/tAvckYMQ2qs" title=""Boks kechasi" Fazliddin G‘oibnazarov g‘alabasi bilan yakunlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

B.Xudoyberdiyev,
Yo.Meliboyev (video), O‘zA