Жартылай орта салмақтағы WBA белбеуінің иегері өзбекстандық Исроил Мадримов (10-0-1, 7 КО) келесі жекпе-жегін жартылай орта салмақтағы абсолютті әлем чемпионы, WBC және WBC белбеулері иегері Теренс Кроуфордқа қарсы өткізеді.

Бұл туралы АҚШ-та өткен баспасөз мәслихатында айтылды. Боксшылар бір-бірімен алғаш рет кездеспек.

Жекпе-жек 3 тамызда Лос-Анджелесте өтеді.

Айта кетейік, 36 жастағы америкалық былғары қолғап шебері кәсіпқой мансабында 40 жекпе-жек өткізіп (31 нокаут) олардың барлығында жеңіске жеткен. Жеңілмейтін Кроуфорд ең кейінгі рет отандасы Эррол Спенсті 2023 жылдың шілде айының басында жеңген.

Биылғы жылдың наурыз айында Мадримов ресейлік Магомед Курбановты жеңіп, WBA белбеуін иеленген еді.