БОКС: Исроил Мадримов “Йил кашфиёти”... бўла оладими?
Бунинг учун унга яқин бўлган асосий тўрт нафар “рақибини” ортда қолдириши керак бўлади.
Хабарингиз бор, “The Ring” журнали жаҳон боксчиларининг рейтингини аниқлаб бориш баробарида йил номинацияларига ҳам эътибор қаратади.
Бу йил ҳам анъана давом этмоқда. Қувонарлиси, жорий йилги номинациялар орасида ҳамюртимиз Исроил Мадримов ҳам ўрин олган.
Исроил айни вақтда “Йил кашфиёти“ йўналишида етакчилик қилмоқда.
Бу борада унга Садриддин Аҳмедов (Қозоғистон), Даниэль Дюбуа (Британия), Жейрон Эннис (АҚШ) ҳамда Вержил Ортис (АҚШ) рақобат кўрсатмоқда.