Британдық промоутер Эдди Хирн супер ауыр салмақта әлем чемпионатының абсолютті жекпе-жегі туралы мәлімдеді.

Оның айтуынша, британдық боксшылар Энтони Джошуа мен Тайсон Фьюри арасындағы жекпе-жек 14 тамызда Сауд Арабиясында өтеді. Араб шейхтары шайқас кеші үшін арнайы алаң салмақ.

«Олар Арабстанда жаңа жабық стадион салғысы келеді. Тамызда сағат 23: 00-де шамамен 23 градус болады, сондықтан ұйымдастырушылар жанкүйерді, тіпті Жер планетасын таң қалдыратын өте ерекше нәрсе жасауды көздеп отыр. Соңғы рет Энди Руис жекпе-жегі алдында олар жеті апта ішінде 18 мың көрерменге арналған арена салған. Дәл қазіргісі де осыған ұқсас жүйеде болады», деген Хирн Sky Sports-қа берген сұхбатында.

Еске салайық, Фьюри мен Джошуа наурыз айында екі жекпе-жекке келісімшартқа отырған. Энтони - WBA, IBF, WBO және IBO тұжырымдары бойынша әлем чемпионы, Тайсон WBC титулына ие.