Бугун, 4 февраль куни пойтахтимиздаги “Олимпия шаҳарчаси” Якка курашлар мажмуасида бокс бўйича ўсмирлар ўртасида Ўзбекистон чемпионатининг финал жанглари ўтказилади.

Мамлакатимиз ҳудудлари ва боксга ихтисослашган олий спорт мактабларининг 16 та жамоаси ёш спортчилари иштирокида 13 та вазн тоифасида ўтган саралаш жанглари натижасига кўра, 26 нафар маҳоратли чарм қўлқоп усталари финалга етиб келди.

Кеча 52 нафар боксчи ўртасида кечган ярим финал жангларидан сўнг, Республика олимпия ва паралимпия марказининг 9, Баҳодир Жалолов номидаги бокс мактабининг 4, Тошкент вилоятининг 5, Андижон вилоятининг 2, шунингдек Бухоро, Наманган, Қашқадарё, Фарғона, Хоразм вилоятлари ва Қорақалпоғистон Республикасининг 1 нафардан ёш боксчилари мамлакат чемпионатининг олтин медаллари учун курашиш ҳуқуқига эга чиқди.

Эслатиб ўтамиз, биринчиликнинг илк саралаш баҳсларида 270 нафар ёш боксчи иштирок этди.

“Олимпия шаҳарчаси”нинг Яккакурашлар залида ўтадиган финалда рингга кўтариладиган боксчилар билан танишасиз: 

46 кг: Камол Солиев — Абдуллоҳ Нуралиев

48 кг: Раҳмонали Самадов — Камронбек Баҳодиров

50 кг: Ферузбек Қобулов — Илёс Зарифбаев

52 кг: Ойбек Алимжонов — Исломбек Фурқатов

54 кг: Абдулбосит Юрсунбоев — Оғабек Отамуродов

57 кг: Аслиддин Усубалиев — Аброр Тенгелов

60 кг: Азизбек Нарзуллаев — Ахмадхон Абдусатторов

63 кг: Жаҳонгир Усмандулов — Рушен Сайдуллаев

66 кг: Файозиддин Раҳмоналиев — Баҳодир Холиқулов

70 кг: Ҳайдатуллоҳ Сайдуллаев — Абдувоҳид Абдумажидов

75 кг: Маруфжон Тошпўлатов — Искандарбек Абдуллаев

80 кг: Темурбек Холмуродов — Самандарбек Умаров

+80 кг: Фарҳоджон Баҳодиров — Улуғбек Абдуғаффоров

Ж.Тошхўжаев, Т.Рўзиев, ЎзА