Пойтахтимиздаги муҳташам “Humo arena” спорт мажмуаси мезбонлик қилаётган бокс бўйича жаҳон чемпионати қизғин паллага кириб бормоқда.

Бугун уч нафар боксчимиз ғалаба учун рақибларига юзланди. -92 кг. вазн тоифасида рингга кўтарилган Лазизжон Мулложонов ҳам чемпионлик учун катта қадам ташлади. Ҳамюртимиз илк жангида колумбиялик Марло Хартадо устидан ишончли ғалабага эришди.

[gallery-11746]

Ҳамюртимиз Абдумалик Халоков гаяналик Кевин Аликокка қарши рингга кўтарилди. -57 кг. вазн тоифасида рақибини мағлуб эта олган Халоков 1/8 финал босқичида австралиялик Чарли Сеньор билан тўқнаш келади. Жанг 7 май куни бўлиб ўтади.

Афсуски, ёш боксчимиз Жасурбек Йўлдошев (-80 кг.) жаҳон чемпионатидаги иштирокини эрта якунлади. Иорданиялик номдор Ҳусейн Иашишга қарши беллашувда ҳакамлар рақибнинг ғалабасини эътироф этди. Шундай қилиб, Ўзбекистон терма жамоаси биринчи мағлубиятни қабул қилиб олди.

Жаҳон чемпионати баҳслари 14 майга қадар давом этади.

Муҳаммад АМИН (сурат), ЎзА