Сурхондарё вилоятида мактабгача таълим ташкилотларида болаларни эрта ёшдан меҳнатсеварлик, ижодкорлик руҳида тарбиялаш ва касб-ҳунарга қизиқтиришга алоҳида эътибор қаратилмоқда.

Термиз шаҳридаги 30-давлат мактабгача таълим ташкилотида ташкил этилган “Кичик қўлларда катта маҳорат” номли тўгараги ушбу мақсаднинг амалий намуналаридан. 

Тўгаракнинг каштачилик, гилам тўқиш, кулолчилик, ёғоч ўймакорлиги, миллий безак санъати каби машғулотларида тарбияланувчилар фаол иштирок этмоқда. Уларнинг ҳар бир ҳаракати, меҳнатида меҳр, диққат ва ижодкорлик намоён бўлади. 

[gallery-25937]

Бундай фаолият болаларнинг нафақат қўл маторикасини, балки фикрлаши, тасаввур ва эстетик дидини ҳам ривожлантиради. 

Ҳунармандчилик тўгаракларида тажрибали усталар, ота-оналар ва маҳалла фаолларининг иштироки болалар учун чинакам ҳаётий сабоққа айланмоқда. 

<iframe width="640" height="420" src="https://www.youtube.com/embed/b4i7cFCuQi8" title="Bog‘chada bolalarning kasb-hunarga oid ko‘nikmalari shakllanmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ (сурат ва видео), ЎзА