Bu haqda “Hududiy elektr tarmoqlari” AJ axborot xizmati ma’lum qildi. Xabarga ko‘ra, mazkur ko‘cha hududida yuqori kuchlanishli yer osti elektr uzatish kabel tarmoqlarini o‘tkazish ishlari olib boriladi.

Qayd etilishicha, Toshkent shahridagi iste’molchilarni energiya resurslari bilan barqaror ta’minlash maqsadida Yakkasaroy tumanining Bobur ko‘chasi Shota Rustaveli ko‘chasi bilan kesishmasidan Nukus ko‘chasi bilan kesishmasigacha bo‘lgan qismida 110 kV li yuqori kuchlanishli yer osti elektr uzatish kabel tarmoqlarini o‘tkazish ishlari amalga oshirilishi rejalashtirilgan.

Shu sababli, joriy yilning 18 sentyabridan 15 oktyabrga qadar Bobur ko‘chasining ushbu qismida avtotransport vositalarining harakati cheklanadi.

N. Ziyodullayeva, O‘zA