БМТ иқлим ўзгариши масалаларига бағишлаб ўтказилган икки кунлик конференцияси (COP27) кутилмаганда Украина Президенти Владимир Зеленскийнинг видеомурожаати билан якунланди. Украина раҳбарининг чиқиши жадвалда йўқ эди, деб хабар бермоқда РИА Новости.

Душанба ва сешанба кунлари бўлиб ўтган конференция доирасида 120 дан ортиқ давлат раҳбарлари маърузаси билан иштирок этди. Анжуманда чиқиш қилолмаган мамлакат етакчиларига энди 15-16 ноябрда бўлиб ўтадиган олий даражадаги саммитнинг иккинчи қисмида сўзга чиқиш имкони берилади.

Ҳар доим тўлдириб борилган ва ўзгартирилган расмий рўйхатда Зеленскийнинг чиқиши режалаштирилмаган эди, бироқ Украина раҳбарининг маърузаси анжуманни якунлаб берди. Зеленский ўз чиқишида эътиборини кўпроқ Россия билан бўлаётган урушга, жумладан, энергоинқирозга қаратган. Шунингдек, у иқлим ўзгаришига қарши курашда фақат оғизда молиявий ёрдам кўрсатаётганларни танқид қилган.

COP27 якшанба куни Мисрнинг курорт шаҳри бошланди. Миср ташқи ишлар вазири Самех Шукри конференция президенти этиб сайланди. Вазирнинг таъкидлашича, Африка мамлакатлари иқлим ўзгаришига қарши курашда молиявий ёрдамга муҳтож бўлмоқда, қитъа аҳолиси иқлим ўзгаришидан азият чекмоқда.

Конференция иштирокчилари сони 44 минг кишидан ошади, тадбирнинг иккинчи қисми 18 ноябрда якунланади, дейилади хабарда.