БМТ Россия билан АҚШни Стратегик ҳужум қуроллари-3 ўрнига янги шартномани имзолаш учун тезроқ музокараларни бошлашга чақиради, деб баёнот берди БМТ бош котибининг қуролсизланиш масалалари бўйича ўринбосари Идзуми Накамицу матбуот анжуманида.

"Музокаралар тезроқ бошланиши керак. Биз стратегик ҳужум қуроллари-3 шартномасининг амал қилиш муддати 2026 йилгача эканини биламиз. Улар камида ушбу муддат томом бўлгунича янги шартнома юзасидан  бир қарорга келиши керак. Агар шундай бўлмаса дунёда ядро қуролини тийиб турувчи восита қолмайди. Биз икки томонни ҳам имкон қадар тезроқ музокараларни бошлашга чақирамиз", - деди Накамицу журналистларга.