БМТнинг Афғонистонга кўмак бериш бўйича миссияси (UNAMA) ана шундай хабарни тарқатди.

Бундан аввалроқ берилган хабарда ҳалок бўлганлар ва жабрланганларнинг барчаси намозга келганлар бўлгани айтилганди.

“Толибон” ҳаракатининг вакили Забиулла Мужоҳиднинг таъкидлашича, портлашдан кейин масжидга махсус хизмат ходимлари келишган. Улар ҳозир текширув ўтказмоқда.

Афғонистон ички ишлар вазирлиги вакили Саид Хости РИА Новостига ҳақиқатан ҳам портлаш содир этилганини тасдиқлаган, лекин қурбонлар сони номаълум эканини айтган.

Al-Jazeera телеканалининг хавфсизлик органларига таяниб хабар беришича, Қундуз вилоятида масжидда уюштирилган портлашда қурбонлар сони 60 кишига етган, 107 киши жароҳат олган.

Хабарда таъкидланишича, масжиддаги портлаш ҳафта давомида диний муассасаларга уюштирилган учинчи ҳужум бўлмоқда.

Бунгача Кобулдаги Идгоҳ масжидида ҳамда Хост вилоятида диний мадрасада портлаш содир этилган эди.