Birlashgan Millatlar Tashkilotining demokratik va adolatli xalqaro tartib o‘rnatilishiga ko‘maklashish masalasi bo‘yicha maxsus ma’ruzachisi Georgios Katrugalos fikricha, G‘azo sektoridagi tajovuz davrida Yevropadan Isroilga qurol yetkazib berish davom etishi juda tashvishli.

Gretsiyalik huquqshunos va siyosatchi, tashqi ishlar vaziri lavozimida ishlagan ushbu diplomat isroillik harbiylarning eksklavdagi harakati ko‘plab tinch aholi, jumladan ayollar va bolalar qurbon bo‘lishiga olib kelganini ta’kidlagan. Xalqaro hamjamiyatni Isroilga zudlik bilan o‘t ochishni to‘xtatish uchun bosim o‘tkazishda faolroq pozitsiya egallashga chaqirgan.

Janob Katrugalos Xalqaro sudning Isroil Falastin hududini bosib olgani noqonuniy deb topilgan so‘nggi qarorlari G‘arbiy Sohil va G‘azo sektoriga tegishli ekanini eslatdi.

BMT vakili ta’kidlashicha, xalqaro bosim vaziyat yanada yomonlashishining oldini olishi mumkin.