БМТ Туркия атамасининг расмий ҳужжатларда ўргартирилишини маъқуллади. Энди аввалги Turkey ўрнига Türkiye атамаси ишлатилади.

Бундан буён "Republic of Turkey (Туркия Республикаси) Republic of Türkiye", - дейилади. Хабарда айтилишича, ўзгартириш Туркия ҳукуматининг мурожаатидан кейинроқ амалга оширилган.

Мамлакатнинг қисқача номланиши энди Turkey эмас, балки Türkiye, дейилади. Шу билан бирга, Туркиянинг алфавит тартибидаги ўрни ўзгармайди.

Туркия ташқи ишлар вазири Мaвлуд Човушўғлининг таъкидлашича, Туркия номининг ўзгартирилиши Анқаранинг “халқаро майдонларда мамлакат нуфузини оширишга” қаратилган саъй-ҳаракатлари доирасида амалга оширилмоқда.

Бундан аввал Таиланд ҳукумати ҳам пойтахтнинг лотинча ёзувдаги расмий номланиши Bangkok атамасини Krung Thep Maha Nakhon, деб ўзгартиришга қарор қилган эди. Пойтахтнинг хорижий тилдаги номланишини ўзгартириш қарори маҳаллий ўзига хосликни ангалатади, дейди таиландликлар. Шу вақтгача Хитой Пекинни Beijing ва Мьянма эса  пойтахт Rangoon номини Yangon номига ўзгартирган эди.