“Толибон” ҳаракатига қўлланилаётган санкцияни бекор қилиш масаласи БМТ Хавфсизлик кенгашида муҳокама қилинаётгани йўқ, деди Россиянинг БМТдаги доимий вакили Василий Небензя РИА Новостига.

"Хавфсизлик кенгаши йўналиши билан толибларга қўлланилаётган санкцияни бекор қилиш мавзуси ҳозир кун тартибида эмас", — деди у.

Унинг айтишича, ушбу масала бугунми, эртами, барибир ҳал қилиниши керак.

"Лекин буни шошилинч равишда қилиш керак эмас. Афғонистонда воқеаларнинг ривожига қараб бир қарорга келинади", — деди доимий вакил.

Небензянинг баёнот беришича, ҳозирда энг асосий муаммо Афғонистонга гуманитар ёрдам кўрсатиш масаласидир.

(С.Раҳимов)