Ер юзида жами 735 миллион киши тўйиб овқатланмасликдан қийналяпти, миллионлаб инсонлар очарчилик ёқасида турибди. Бу ҳақда БМТ Инсон ҳуқуқи бўйича Олий комиссари Фолькер Тюрк ижтимоий тармоқда ёзган.

– Озиқ-овқат етарли, лекин кўп исроф бўляпти, – дея таъкидлаган мулозим. – Таъминотга эришиш учун озиқ-овқатнинг етарли миқдори, арзонлиги ва барқарорлиги биринчи ўринга қўйиладиган тизимга ўтиш зарур.