Расмий Вашингтон Москва томонидан Украина бўйича янгиланган тинчлик келишуви рад этилган тақдирда РФга нисбатан босимни кучайтириш ниятида, деб ёзмоқда “Bloomberg” нашри.

Хабарда таъкидланишича, Қўшма Штатлар Россия энергетика секторига қаратилган янги санкциялар пакетини ишлаб чиқмоқда. Чекловлар русларнинг “Соя флоти”га кирувчи кемалар ҳамда нефть савдосида воситачилик қилаётган трейдерларга тааллуқли бўлиши мумкин.

Россия президенти матбуот котиби Дмитрий Песков янги санкциялар ҳақида маълумотга эга эканлигини таъкидлаб, бундай чоралар муносабатларни яхшилашга тўсқинлик қилишини қайд этди.

Маълумот ўрнида: жорий йил октябрь ойида АҚШ РФнинг йирик нефть компаниялари — “Лукойл” ва “Роснефть”га нисбатан санкциялар жорий этган эди.

Д.Ҳакимов, ЎзА