Bloomberg: АҚШ нефти ортилган танкерлар карвони Осиёга йўл олмоқда
Америка нефти юкланган йигирмага яқин танкер шу ой Осиёга қараб жўнайди, деб ёзади Bloomberg агентлиги.
Хабарда таъкидланишича, кемалар турли компаниялардан ижарага олинган, улар нефтни Мексика кўрфазидан етказиб беради.
Кемаларнинг аксарияти бортига икки миллион баррелгача нефтни сиғдира оладиган супертанкерлардан иборат.
Нашрнинг ёзишича, АҚШ нефтни Хитой, Жанубий Корея, Сингапур ва Осиёнинг бошқа бир қатор мамлакатларига элтиб бермоқда.
Агентликнинг таъкидлашича, бундай миқдордаги қора олтин минтақага коронавирус пандемиясидан кейин иқтисодиётини тиклаб олиш учун зарур.
ЎзА