Украина нейтрал мақомга эга бўлиб, НАТОга киришга уринмаса, Қўшма Штатлар бетараф қолишига қарши бўлмайди. Бу ҳақда АҚШ давлат котиби Энтони Блинкен маълум қилди, – дея хабар беради “Арменпресс”.

Энтони Блинкеннинг фикрича, бундай қарорни украиналикларнинг ўзлари қабул қилиши керак ва АҚШнинг мақсади украиналикларга музокаралар столида ўз позициясини мустаҳкамлаш имкониятини кафолатлаш.  

Давлат котибининг фикрича, Москва Киев билан музокараларда жиддий муносабат билдирмаяпти. 

– Бугунгача биз Россия Президенти Путиннинг мазмунли музокара олиб боришга жиддий ёндашаётганини кўрмадик, – деди Блинкен. – Агар у қатъий бўлса ва украиналиклар бу мулоқотда қатнашса, биз уни қўллаб-қувватлаймиз. Айни вақтда Россия ташқи ишлар вазири Сергей Лавров аввалроқ Киев икки давлат делегацияларининг Истанбулдаги учрашувида Украина томони илгари сурган Москва билан шартнома лойиҳаси бўйича бир қатор таклифлардан четга чиққанини айтди.