Пойтахтимизда Бизнес-омбудсман девони ва “Uzbekistan Airways” АЖ ҳамкорлигида бизнес ҳалоллиги ва коррупциянинг олдини олиш бўйича ҳуқуқий онгни оширишга қаратилган давра суҳбати ташкил этилди.

Тадбирда Бизнес-омбудсман девони бош инспектори Миршод Насуллаев ўз маърузасида вакил девони фаолиятининг асосий йўналишлари, мамлакатимизда коррупцияга қарши курашиш соҳасида амалга оширилаётган ислоҳотларни илгари суриш механизмлари ҳақида батафсил маълумот берди.

Шунингдек, тадбирда бизнеснинг ҳалоллиги бўйича ташаббуслар, жумладан, Бизнеснинг коррупцияга қарши хартиясининг аҳамияти хусусида сўз борди. Давра суҳбати давомида коррупцияга нисбатан муросасизликни шакллантириш ва тадбиркорлик субъектларининг ҳуқуқий онгини ошириш масалалари юзасидан ҳам кенг тушунтиришлар берилди.

Гулноза Бобоева, ЎзА