Өзбекстанның бизнес-омбудсманы Дилмурад Қосимов Францияның астанасы Парижде өткен Экономикалық ынтымақтастық және даму ұйымының (ЭЫДҰ) бизнес саласындағы адалдықты дамытуға арналған аймақтық желі отырысына қатысты.

Бұл маңызды жиынға 400-ден астам өкіл жиналды. Олардың қатарында халықаралық ұйымдар, Еуропалық қайта құру және даму банкі, ЭЫДҰ мен Дүниежүзілік банк, бизнес-омбудсман институттары, сыбайлас жемқорлыққа қарсы күрес желісіне мүше елдердің мемлекеттік мекемелері, сондай-ақ Еуропалық Одақ пен Орталық Азия мемлекеттерінен келген жетекші сарапшылар бар.

Халықаралық іс-шара барысында Өзбекстанның бизнес-омбудсманы Дилмурад Қосимов елде бизнес жүргізуде адал стандарттарды енгізу, кәсіпкерлердің құқықтарын қорғау және сыбайлас жемқорлыққа қарсы бағдарламаларды жүзеге асыру бойынша баяндама жасады.