Термиз шаҳридаги Ёшлар марказида “Биз биргамиз” шиори остида волонтёрлар форуми бўлиб ўтди.

Тадбирда мазкур форум иқтидорли ёшларни мамлакатимизда амалга оширилаётган ижтимоий-сиёсий ислоҳотларга дахлдорлигини ошириш, халқ манфаати йўлида бутун куч, билим ва имкониятларини сафарбар қила оладиган ташаббускор ва шижоатли ёшлар сафини кенгайтириш мақсадига хизмат қилиши алоҳида таъкидланди.  

Форумда ёшлар таклифи асосида волонтёрлар фаолиятининг келгуси режалари белгилаб олинди.  

Вилоятда волонтёрлар форуми доирасида 1-5 декабрь кунлари ўтказилган тадбирларда фаол иштирок этган ёшлар, спорт мусобақалари ғолиблари ҳамда 5 нафар волонтёр турли номинациялар бўйича тақдирланди.  

Тадбирда вилоят ҳокими Тўра Боболовнинг иштироки волонтёр ёшларга мотивация берди.

[gallery-324]

  Жонибек ҚЎЗИМУРОДОВ  (сурат), ЎзА