Buyuk Britaniya Isroil bilan savdo kelishuvi bo‘yicha muzokaralarni to‘xtatdi, o‘z elchisini chaqirib oldi va G‘arbiy Sohil bo‘yidagi ko‘chmanchilarga qarshi yangi sanksiyalar kiritdi, deb yozmoqda “BBS” nashri.

Bunga javoban Isroilning xorijiy matbuot kotibi tashqi bosim “mamlakat o‘z mavjudligini himoya qilish yo‘lidan chalg‘itmasligini” aytdi.

Isroil hukumati so‘nggi 11 hafta davomida G‘azoga oziq-ovqat, yoqilg‘i va dori-darmon yetkazib berishni to‘xtatib qo‘ygani uchun global ekspertlar yaqinlashib kelayotgan kuchli ocharchilikdan ogohlantirmoqda.

Shuningdek, Birlashgan Qirollik, Kanada va Fransiya rahbarlarining qo‘shma bayonotida Isroil hukumati «qo‘rqinchli» harbiy ekspansiyani to‘xtatishi va "darhol insonparvarlik yordamining G‘azoga kirishiga ruxsat berishi" kerakligini talab qildi.

Qirollik bosh vaziri Kir Starmer hozirgi vaziyatni "chidab bo‘lmas" deb atadi va "gumanitar yordam tez sur’atlar bilan kelishi kerak" deya ta’kidladi.

Musulmon Ziyo, O‘zA