Бельгияда 90 ёшли аёл бир вақтнинг ўзида икки хил мутацияни — Alfa ва Beta коронавирус юқтириб олди.

 Пандемия бошланганидан буён олимлар биринчи марта бундай ҳолатга дуч келишмоқда. Бу ҳол энди дунё олимларининг диққат марказида. Тахминларга кўра, бемор ушбу вариантларини бир вақтнинг ўзида икки одамдан юқтирган бўлиши мумкин.

Айни пайтда барча мамлакатда коронавируснинг кенг тарқалаётган янги вариантлари кун тартибида турган асосий масала ҳисобланади. Илк бор Ҳиндистонда кузатилган Delta коронавирус тури бутун дунёга шиддат билан тарқалишда давом этмоқда. Хўш, ушбу вариантга қарши вакциналар қанчалик самарали?

"Pfizer"нинг Исроилдаги директори Aлон Раппапорт "BioNTech" компанияси билан биргаликда ишлаб чиқарилган вакцинанинг Delta вариантига қарши 90 фоиз самарали эканлигини маълум қилган эди. Аммо бу кўрсаткич янги тадқиқотлар ўтказилгандан сўнг камайди. Маълумотларига кўра, Исроил вируснинг симптомпли ҳолатларининг олдини олишда "Pfizer-BioNTech COVID" вакцинасининг самарадорлиги сустлигига қарамай, вакцина оғир ҳолатларнинг олдини олишда самарали экани таъкидланди.

Шунингдек, Хитойнинг "Sinovac" биофарм компанияси вакили Лиу Пеиченг "CoronaVac" вакцинаси delta вариантига қарши самарали эканлигини айтмоқда. Унинг Reuters ахборот агентлигига айтишича, вакцина олганлардан олинган қон намуналари бўйича дастлабки натижалар delta вариантига қарши нейтраллаш таъсирининг уч баравар камайганлигини кўрсатган. Таъкидланишича, учинчи доза Delta вариантига қарши кучли ва бардошли антикор реакциясини оширишга ёрдам беради.

Вакциналар бўйича тадқиқотлар ва баҳсли музокаралар давом этмоқда.