Оила қурганимга 7 йил бўлди. Тақдир тақозосими ёки Оллоҳнинг синовими фарзандли бўла олмадик.

Турмуш ўртоғим билан кўплаб шифокорлар кўригидан ўтдик. Барчаси турли ташхис қўйишади. Уларнинг муолажаларини олдик. Аммо фарзандли бўла олмадик. Турмуш ўртоғим билан болалар уйидан фарзанд асраб олишга қарор қилдик. Болалар уйи мутахассиси бола асраб олишимиз учун навбат кутиш зарурлигини, навбат 7-8 йилда келишини айтди. Бундан ташқари, юзлаб ҳужжатлар тўғрилашимиз зарурлигини айтди. Хусусан, эр ёки аёл давлат ташкилотида ишлаши зарур экан. Турмуш ўртоғим давлат ишида ишламайди. Бозорда оддий сотувчи. Демак бизга бола асраб олиш учун эшиклар ёпилди. Сўнгра фарзандли бўлиш учун яна бир имконият Экстракорпорал уруғлантириш (ЭКУ)га боришга қарор қилдик. Аммо у ердаги нархни эшитиб капалагимиз учди. Экстрокорпорал уруғлантириш (ЭКУ)га 5000 АҚШ доллари, бундан ташқари дори-дармонларига 20-30 миллион сўм кетар экан. Шу пулларни сарфласак ҳам 60 фоизгина кафолатда фарзандли бўлишга умид бор экан. Наҳотки бугун замонавий-техникалар ривожланган бир даврда Ўзбекистонда бепуштлик касаллигини даволашнинг имкони бўлмаса?

<iframe width="1350" height="488" src="https://www.youtube.com/embed/7HMwe3L4Qhs" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Исмини сир тутишни истаган бу фуқаронинг мурожаатини ўрганиш ҳамда бепуштлик касаллигини даъволашда Ўзбекистонда имкониятлар қандай, шу ва бошқа саволлар юзасидан ЎзА мухбири Соғлиқни сақлаш вазирлиги бош акушер-гинекологи Лола Абдуллаева ва пойтахтимиздаги 8-сон туғруқ комплекси бош шифокори Камолиддин Низомиддинов билан суҳбатлашди.

Ш.Маматуропова, Н.Абдувоитов(видео), ЎзА